Viongozi-Wananchi Connection's Community

Baraza La Maongezi Kwa Watanzania Popote Pale Walipo.
 
HomeHome  PortalPortal  CalendarCalendar  GalleryGallery  FAQFAQ  SearchSearch  MemberlistMemberlist  RegisterRegister  Log inLog in  

Share | 
 

 Bungeni kwawaka moto

View previous topic View next topic Go down 
AuthorMessage
rekeshei



Posts : 17
Join date : 2008-06-20

PostSubject: Bungeni kwawaka moto   Fri Jun 20, 2008 5:46 pm

*Anna Abdallah ashambulia magazeti
*Spika asema kutofautiana ndiyo demokrasia


Na Midraji Ibrahim, Dodoma


KATIKA hali inayoonyesha wabunge kugawanyika kuhusu suala la mafisadi waliochukua fedha kwenye Akaunti ya Malipo ya Nje (EPA), Mbunge wa Viti Maalum (CCM), Anna Abdallah amewashambulia wenzake waliochangia juzi.


Akichangia bajeti hiyo jana, Abdallah alisema baadhi ya wabunge walikuwa wakiwashangaa wenzao wa Chama Cha Mapinduzi (CCM), ambao walikuwa wakisimama wanakosoa na baadaye wanaunga mkono.


''Nataka kusema tu kwamba suala hili la EPA lisije kutugawa. Tangu nimekaa humu ndani ya bunge sijasikia hata mbunge mmoja anayekataa zisirejeshwe, yupo? Sijamsikia, wote wanataka zirejeshwe,'' alisema na kuongeza:


''Tunatofautiana namna ya kusema tu humu ndani. Sasa kuna wengine wanasema sana, wanaweka na madoido, wengine wanasema kwa upole lakini lengo ni moja tu fedha zirejeshwe. Kwa hiyo, hatuogopi, hakuna anayetishwa, lengo letu ni moja tu.''


Mbunge huyo alishambulia magazeti kwa kuyaita kuwa ni chama ambacho hakijasajiliwa ndicho kinachosaidia kuonyesha mtafaruku ndani ya Bunge.


''Chama kingine cha siasa ambacho hakijaandikishwa kinachoitwa magazeti ndio wanaosaidia kufikiria humu ndani ya Bunge kuna mtafaruku, sijui kwa nini, kwa masuala haya ya msingi wote letu moja, hakuna anayeshabikia ufisadi wala hayo ya EPA, wote tunataka yachukuliwe hatua na ndio lengo letu, kwa hiyo nalo nataka nilitolee maelezo,'' alisema.


Katika hali ya kawaida mbunge hutakiwa kujibiwa na Waziri husika anayesimamia serikali, lakini inapotokea mbunge kumjibu mwenzake kama kujikweza.


Wakichangia bajeti hiyo juzi, Mbunge wa Same Mashariki, Anne Kilango Malecela, Mbunge wa Kishapu, Fred Mpendazoe na Mbunge wa Viti Maalum, Stella Manyanya wote wa CCM walitaka fedha hizo kurejeshwa na wahusika kutangazwa hadharani.


Kilango alisema, iwapo fedha hizo hazitarejeshwa na kuhakikishwa, bungeni patakuwa padogo na kuonya kuwa hawataki kuambiwa kwenye makaratasi bali wazihakikishe na kuongeza kuwa, ulinzi wa fedha za umma umeachwa wazi kwa muda mrefu.


Mpendazoe alisema, ubadhirifu uliotokea ni aibu kwa taifa na wananchi wanasubiri hatua za utekelezaji, huku Manyanya akisema, maswali yaliyoko nje ni mengi na yanahitaji majibu.


Akizungumza nje ya Bunge jana, Spika wa Bunge, Samuel Sitta alisema, kutofautiana kwa wabunge ndio uhai wa bunge na kwamba, haiwezekani zaidi ya wabunge 300 wakawa na mawazo sawa.


Sitta alisema, Bunge linajumuisha wabunge wenye uzoefu tofauti, wakiwemo waliokuwa mawaziri na wengi ni wapya, hivyo wanatofautiana kwa fikira na uzoefu na kwamba, ndio maana ya Bunge.


Alisema lengo la wabunge ni moja, hakuna tofauti baina yao bali inategemeana na uwasilishaji wa hoja.
Back to top Go down
View user profile
 
Bungeni kwawaka moto
View previous topic View next topic Back to top 
Page 1 of 1
 Similar topics
-
» Oskar Humlebo aka Moto Boy
» Xe ?ua 2 ba?nh

Permissions in this forum:You cannot reply to topics in this forum
Viongozi-Wananchi Connection's Community :: Your first category :: BUNGE LA TANZANIA(DODOMA)-
Jump to: